استفسار عن استلام أعمال المحارة - ضروري


#1

السلام عليكم ورحمة الله وبركاته
اهلا بحضراتكم جميعا
انا لسه مهندس جديد ودي اول شغلانة ليا
وعندي كذا سؤال نفسي حد يجاوبني عليها من غير تريقة او استهزاء
مفيش حد بيتعلم بين يوم وليلة.
الشغلة ال انا واخدها هي عبارة عن بند محارة
فانا لما اتكلمت معاهم عن طريقة الشغل يعني عاوزين بؤج وأوتار وهتستلموا زوايا وترابيع وكده ولا شغل بلدي ولا ايه بالضبط
فقالولي الاستلام هيكون بؤج فقط ومفيش اوتار + اكس
السؤال الأول:
“اكس” دي المقصود بيها انه هيحط الإدة بشكل قطري ولا فيه حاجه تانية بتتعمل ولا ايه بالضبط؟؟

السؤال التاني:
شغل على الكلام بتاعهم ده يبقى المفروض أجرة الصنايعي في المتر تكون كام؟؟
مع العلم انه شغل داخلي فقط

السؤال الثالث:
لما انا سألت عن دفعات الفلوس قالولي ان انا هاخد اول دفعة بعد التجهيز وملئ السقف
فهل المقصود بملو السقف ال هو اعمال اللياسة؟؟
وهل اصلا طبيعي اننا نشتغل السقف قبل الحوائط ولا ايه المقصود من كلامهم بالضبط؟؟

انا اسف لو كنت طولت في الكلام وسألت اسألة ممكن البعض يعتبرها ساذجة وبسيطة
بس معلهش استحملوني وربنا يجعله في موازين حسناتكم يوم القيامة.


#2

هو ليه محدش بيرد؟