أهلا بيك معانا فى منتدى المهندس
قسم الهندسة البحرية نور يا ناس
أحب أقولك إحنا موجودين هنا بنعمل إيه…
إحنا هنا هدفنا نفيد و نستفيد… نعمل خير و فى نفس الوقت يوصلنا خير الآخرين.
من أهم أهدافنا… تبادل المعلومات و الأفكار المهمة و المفيدة لكل مهندس بحرى.
مستنيين منك مشاركاتك و مواضيعك و تفاعلك مع الأعضاء …
عايزينك تحس إنك فى بيتك و تاخد راحتك على الآخر …
بس خلى بالك من الكام نقطة الجايين دول :
1- راعى الله فى كل ما تكتب و ما تفعل و إنوى فعل الخير لكيلا يفوتك الثواب.
2- لا تنسى الرد على إخوانك و شكرهم و الدعاء لهم بالخير.
3- حب لأخيك ما تحب لنفسك و عامل الناس كما تحب أن يعاملوك … الأحترام المتبادل هو أقصر طريق للتواصل مع الآخرين.
4- فى حالة وضع موضوع منقول … يرجى وضع كلمة منقول فى آخر الموضوع … و وضع رابط للصفحة الأصلية إن أمكن.
5- تحرى الدقة فى كل كتاباتك و مواضيعك (مش عايزين مواضيع تلخبط الناس و تبوظ معلوماتهم )
6- فى حالة وجود أى إستفسار فى الهندسة البحرية … يرجى الدخول فى الموضوع المخصص للأستفسارات المثبت فى القسم.
7- نرحب بكل الإقتراحات … و يتسع صدرنا للشكاوى فلا تتردد فى الكتابة لنا.
8- نرجوا منك التفاعل و تقييم المواضيع …عن طريق أداة تقييم المواضيع الموجودة فى يسار أعلى كل صفحة .
و أخيرا نتمنى إنكم تفضلوا معانا على طووووووووووووووول
اشكر جدا يابشمهندس ونفسي فعلا اكون اخوكم في المنتدى
انا في هندسة بحرية جامعة اسكندرية الفرقة الثالثة
وع فكرة ياصاحبي انا عاكسك (( قهراوي وقاعد في اسكندرية ))
بس صراحة الاسكندرانية جدعان اوي محسسني اني في القاهرة (( هما اجدع كمان من القهراوية ))
اسمي محمد عبدالجواد واتمنى اكون اخ ليكم في المنتدى
السلام عليكم جميعا وانا سعيد جدا ولى الشرف ان اكون منضم الى منتدى المهندس وارجو ان تقبلونى صديق خفيف الظل وجزى الله من عمل وساهم في انشاء هذا المنتدى وافاد الجميع فية بالعلم النافع وشكرا جزيلا …
شكرا جدا يا بشمهندس و بجد المنتدى ده تحفة و فكره جامده و هقول عليه لكل اللي اعرفهم
بس انا كنت عايز اقدم في الاكاديمية البحرية اللي في ابو قير و سحبت ملف التقديم
و عندي اختبار طبي و رياضي و مقابلة شخصية
هموت و اعرف ايه الاختبارات دي عشان بجد نفسي ادخل الاكاديمية
انا جايب في الثانوية العامة 87 % و علمي رياضة و والدي متوفي
ياريت تفدني يا بشموهندس انا عرفت كل حاجة في الاكاديمية بس عايز اعرف لو دخلت هتبقى نظام الحياة هناك ايه ؟.؟؟
يعني في موبايلات عادي و كده و صحيح هيوزعوا علينا لاب توب ولا هجس الحكاية دي و اللبس جوه الاكاديمية و الحياة بتبقى عاملة ازاي ؟.؟؟
و شكرا