انا جايب 88.17% و علمي رياضه و عاوذ ادخل معهد العاشر ممكن الافاده بسرعه

انا طالب ثانوي عام علمي رياضه و جبت 88.17%
و ناس كتير شكرتلي في معهد الطيران و انا وضعته في التنسيق
هل ممكن ادخله كده ولا ايه و يا ريت تنصحوني اعمل ايه لو مش ينفع ادخله و هل في طريقه اخري بالفلوس ممكن ادخله بيها ولا لا علشان انا سمعت ان السنه الي فاتت اخد من 89% و شويه و لو مفيش حل ادخل ايه غيرو ارجو الرد بسرعه…
شكرا

انت المفروض تحط خمسين رغبة وعندك معاهد كتير فى العاشر والعبور والشروق ومودرن دا غير الجامعات الخاصة وبالنسبة لمعهد امبابة هو اصلا بفلوس زى غيره من المعاهد الهندسية ومن المحتمل ان التنسيق هيعلى السنادى بس انا بصراحة سمعت ان مستواه مش كويس والدراسة فيه صعبة وبعدين انا مش مع نقطة انك تدخل معهد او كلية لتخصص واحد بس لانهم اكيد الاقسام الكويسة هيكون مجموعها عالى يعنى ممكن تدخل المعهد وبعدين متعرفش تدخل قسم طيران وتروح تدخل ميكانيكا ولا حاجة زى اللى بيدخلوا بترول السويس وبعدين يدخلوا تعدين

الافضل تدور على معاهد الهندسة والتكنولوجيا الاول ولو حالتك المادية احسن طبعا هيكون الافضل كلية هندسة خاصة مثلا 6 اكتوبر مستواها كويس وتعتبر من الكليات القوية

شوف الموضوع ده فيه استفسارات كتير عن معهد امبابة
http://www.almohandes.org/vb/f49/t61038/

يا احمد انا مش قصدي قسم طيران بالتحديد
و مش المفروض ان في سنه اعدادي و بعد كده باختار علي حسب مجموعي في اعدادي ولا ايه؟
و بالنسبه لمجموعي الي جبته في ثانوي عام ده علشان حصلت معايا مشكله
و انا لو دخلت ان شاء الله هعمل اللي عليا و زياده
ابا ليا واحد فيها بيقولي اني مجموعي يجبها و قالي احطها في الرغبات
و كده معني كلامك اني مش هعرف ادخلها خالص ولا ايه ارجو الرد…
شكرا

معلش انا اقصد معهد الطيران بامبابه مش العاشر*************** ارجو الرد

انا مش قصدى قسم طيران بالتحديد برضه بس ده افضل قسم وكل الناس عايزه تدخله وعلشان كده بياخد مجموع عالى وبيكون بعد اعداى زى نظام اى كلية هندسة او معهد عالى واعتقد كمان انك ممكن تحول بعد اعدادى كمان

انا معرفش هدخلها ولا لا لان ده تنسيق وانت بتقول ان السنة اللى فاتت انه كان بياخد من 89% والسنادى اتوقع انه يزيد وخصوصا بعد المجاميع العالية فى الثانوية العامة والتنسيق المرتفع فى كليات الهندسة
وانت مجموعك اقل من كده لكن دلوقتى مش فى ايدك حاجة غير انك تقدم وان شاء الله ربنا يكرمك سواء فى المعهد ده او اى حاجة غيره

طب معلش طلب تاني انت ترجحلي انهي معهد بعد معهد الطيران و مميزاته ايه بس انا عاوز حاجه معقوله علشان انا مش هقدر علي الكليه

انا شايف ان معاهد الهندسة والتكنولوجيا العليا افضل وفيها تخصصات كتير تقدر تختار اللى يناسبك وتتخرج مهندس زى اى كلية هندسة

معهد العاشر وموجود كمان فى اكتوبر ومطروح
http://www.hti.edu.eg/

وفى معهد فى بنها وواحد فى الاسكندرية
http://www.aiet.edu.eg/

وكمان معهد السلام العالى للهندسة والتكنولوجيا فى طريق الاسماعيلية
و معهد القاهرة العالى فى القاهرة الجديدة
ومعهد مصر العالي للهندسه والتكنولوجيا فى المنصورة

وفى كمان المعهد العالى للهندسة الالكترونية فى بلبيس