تسجيل المواد عبر الانترنت ..... مشكله كبيرررررررررره


(جنرال الهندسه) #1

يا جماعه ها المشكله واجهها الكثير من الطلاب … وها السنه بالاخص
وهي التسجيل عبر الانترنت من خارج الجامعه
الموقع ما يفتح … وإذا فتح ثوان وبيطلعلك خطا ويقفل
ما ادري على من يعود اللوم … على عمادة شؤون الطلبه ولا على القبول والتسجيل ولا على من ؟؟؟؟
واالله يعين الطلبه اللي فاتهم التسجيل هالسنه … وانشاء الله تكون عندهم الفرصه في اسبوع الحذف والاضافه … اللي صار اسبوع واحد فقط أعتبارا من هذه السنه … الله يعين الجميع


(ArC) #2

نفس المشكلة معاااي…

خاصة ان صفحة ال oracle ما تفتح !!!


(السبع) #3

شباب المشكلة بالسيرفر تخيلوا أكثر من الفين مستخدم مرة وحدة داخلين يعني صعبه والخطأ من سرعة النت يعني عندك Adsl يختلف عن Dail Up بس يا الله بالتوفيق للجميع …


(almohandes) #4

بسم الله الرحمن الرحيم

نعم هي مشكلة واجهها الكثير من الطلاب والطالبات وبالاخص في هذا الفصل
بالفعل صفحة التسجيل لا تظهر للعديد من الطلاب هذي حقيقة وانا بنفسي جربتها ولم استطع من خلال جهازي ايضا
وبالفعل كما ذكر هي زحمة السيرفر على الجامعة وغيره احد الاسباب
نطمح الي اعدادات متقدمة في نظام الجامعة هذا

اتمنى التوفيق للجميع,


(7moooodi) #5

نصيحة كل اللي يقدر يروح الجامعة يروح أحسنله عشان ما يتمشكل في التسجيل …

أنا الحمدلله اليوم كان تسجيلنا ورحت الجامعة، بدأ التسجيل الساعة 8 وأنا 8 وخمس خلصت تسجيل بدون مشاكل :slight_smile:

لكن عاد اللي ما يقدر يروح يستحمل وعسى يصلحوا هالنظام !!!

تحياتي …


(ArC) #6

ما اعتقد المشكلة في السرعة انا عندي Adsl والمشكلة قايمة…

الله يستر …:frowning:


(7moooodi) #7

والله إن هالنظام غير شكل !!!

كل يوم ما يرضى يفتح وتو بعد ما خلاص سجلت فتح وبسهولة وسرعة بعد !!!


(ArC) #8

انا مو راضي يفتح للحين…


(Active Engineer) #9

والله هذي احسها مسألة حظ ،، محد يدري وين المشكلة بالضبط
عموما الله يعين الجميع :slight_smile:


(m&m) #10

اي والله مسألة حظ
انا كل الفصول الماضية ما رضي يفتح وصاحباتي كانوا يسجلولي
هالفصل عجبة فتح !!!
وأطمنك يا Arc اذا ما حصلتي اللي تبيه الحين بتحصليه في أسبوع الحذف والاضافة لأن الجميع يعلم ان معظم الطلاب يقوموا بالتسجيل الحقيقي والنهائي في اسبوع الحذف والاضافة


(السبع) #11

أختي Arc المشكلة موجودة لكن نفسها فDial Up أقصد بنفس الدرجة ؟؟؟
بعدين تراه حتى فالجامعه بطيئات الكمبيوتراتو مشاكل الزحمة أنا رحت لابات الهندسة حصلتنهن متروسة ولفيت الجامعه تصدقي وين وصلت ؟؟؟:smiley:
وصلت التجارة بعدين رجعت الهندسة مرة ثانية المبنى الجديد كلها هفسة فهفسة عاد ما حالة هذي مشي حالك …
نقع رأسي مرررررررة …
الله يصرفه ذا النظام إنه ما مال شيء البر …
حياكم …
السبع


(ArC) #12

الحمد لله…مسيطرين على الوضع تمام…:smiley:

تم التسجيل…مع انه النظام عمل عمايله معاااي…:o


(ArC) #13

أكيد وصلت الجامعة متأخر…:smiley:

كذاك ما لقيت لك مكان في الهندسة…

المهم انتهينا من هم التسجيل…وعسى أن يكون هذا الفصل الدراسى فاتحة خير علينا كطلبة…:slight_smile:


(almohandes) #14

good news:)

good luck


(ArC) #15

عقبالكم…متى تسجيلكم بكرة …؟

:slight_smile:


(almohandes) #16

thats right :rolleyes:
thanks very much,


(جنرال الهندسه) #17

يا جماعه ما أدري إذا كانت المسأله بها السهوله عندكم … بس حسب رأيي أن تنظيم الجدول عامل هام في الحصول على درجات عاليه في الفصل الدراسي … وأعرف شباب للحين ما مسجلين ماده … وما أدري شلون بيتصرفوا في أسبوع الحذف والاضافه اليتيم … والمشكله الكبيره أن أغلب مواد التخصص لم يفتح بها إلا سكشن واحد فقط … يعني إذا صار السكشن فل . ضاع الجدول كله … والمشكله تكبر إذا كانت هالماده عليها متطلبات في الفصول اللي بعد هالفصل … يعني الله يعين هالطالب اللي بيتاخر فصل كامل علشان ماده وحده ؟؟؟؟؟

المفروض ما يخبرونا من الاول أن التسجيل ممكن من خارج الجامعه …؟ والله يعين الجميع .


(ArC) #18

صحيح…كلام لا غبار عليه…:slight_smile:

الله يعين الطلبة…


(ابو صداح) #19

سلااااااااااااام
ما ادري ايشض صاير للشباب اليوم اشوفكم متبهدلين مع الموقع:confused:
انا دشيت من البيت وفتح الموقع ولا في مشاكل ولا شي
بس المشكله الوحيده انه السكاشن فل:(
اما سالفه الاوراكل يفتح عادي لكن لازم يكون الجافا مركب على جهازك
انا صراحه فتح كل شي معي
المشكله من الاجهزه على ما اعتفد
باااااااي


(الوزير) #20

كل واحد يشكي همه
انا والحمد لله ما سويت للتسجيل طولة
الساعة 7.15 انا في الجامعة داخل لابات العلوم قبل لايبدا التسجيل قلت خلني اشوف الساكشن اللي اريدهن

والله العظيم …كلهن فل
اضطريت اعيد ترتيب الجدول ويالله على الدكاترة حتى اساميهم ما مكتوبات

كله شغل مال لاحوله
المهم انا سجلت وما واجهت مشاكل الساعة 8.5 انا مخلص مسجل
بس بعدين توطرطوا الشباب والبنات بسبب مادة الانترودكشن engr1500 كل ما يضيفوا المادة الكمبيوتر يطبق …الله يعينهم

آآآآآآآآآآآمين

يالله الشباب اللي ما قدروا يسجلوا في الوقت المحدد لهم يحاولوا في اسبوع الحذف والاضافة