جدول حساب ضبط الخلوصات بين البش والداى فى الاسطمبات

جدول حساب ضبط الخلوصات بين البش والداى فى الاسطمبات على حسب السمك للخامة المقطوعه .

إعجاب واحد (1)

لوسمحتم الجدول ده لو في شكل دائري طب لو مستطيل هنعمل اي؟ولحساب الخلوص هل الجدول ينطبق علي كل المعادن (صاج واسنلس والومنيوم)

فى حالة أستخدام جزء يقطع على شكل مستطيل يتم توزيع الخلو ص على الجانبين المتوازين بالتساوى

ولكل خامة لها قيمة مختلفة فى الخلوص حسب نوع الخامة وسمك الخامة يتحدد الخلوص ولها جداول

ويمكن تحديد قيمة الخلوص المطلوب بالحساب بدلا من الجداول فى حالة عدم توافر الجداول

ويتم حساب ثيمة الخلوص عادة بين البنش والداى يقدر بحولى 0.075 من سمك الخامة المطلوب قطعها .

جازاك الله خيرا يابشمهندس

كان عندي استفسار اخر بعنوان عاوز اعمل اسطامبه تقطيع لشكل معين ومش عارف هل ده ممكن ولا لا هو شكل مخروطي سبق ان ارسلت صوره له
وجازاك الله خيرا

ارسل ابعاد وشكل الجزء وسمك الحامة ونوعها لنتمكن من الرد على سؤالك

شكرا علي ردك يابشمهندس
خامه المنتج من الاستنلس ستيل وسمكه 0,7 مم وقره العلوي 10 مم والسفلي 30 مم والطول 50 مم والشكل المراد تقطيعه هو المثاثات المتجاوره اعلي المنتج وقاعدتها حوالي 3 مم وراس المثلث 0,5 مم ومرفق صوره للمنتج المراد عمل اسطمبه له وهل تتم عمليه القطع ثم البلص او الكبس ام العكس

الصوره المرفقه

بالنسبة للمثلثات اعلى الشكل مذكور ابعاد قاعدة المثلث وقمة المثلث ولكن ارتفاع المثلث غير مذكور

ارتفاع المثلث من 4 الي 5 مللي وقصد بالمثلثات ليس شكل النتج كله ولكن شكل الجزي المقطع من الخامه لتنتج تلك السنون مثل سنون المنشار

المفروض ان السنون تصنع فى أول عمليه قبل تشكيل المخروط وليكى يتم ذلك اتبع الأتى:

1- حساب أفراد قطر البلنكة للخامة قبل التشكيل وهى دائرية
2- فتح المسنن على شكل ترس داخلى دائرى فى القطر فى مركز الجزء .
3- يتم فى المرحلة التاليه تشكيل الجزء المخروطى مع أخذ القطر المسنن دليل فى التشكيل للحصول على سمتريه الجزء النهائى .

هذا مايجب عمله حتى ينجح انتاج الجزء المطلوب بالشكل النهائى … مع تمنياتى بالتوفق .

السلام عليكم ورحمة الله وبركاته
أريد من أين أبدأ تعلم كيفية تصميم الاسطمبات وتنفيذها وما هى الكتب التى تساعدنى فى ذلك ؟ وجزاكم الله خيرا

كيفية تصميم الأسطمبات بأنواعها يتطلب التعلم من واقع الخبرة العملية ثم تدعيم الخبرة بالحسابات والكتب الازمة لتحسين وتجويد التصميم ثم التجارب بعد التصميم للأسطمبات وتعديلها للوصول للمنتج النهائى بالمواصفات المطلوبة …
ويمكنك القراءة فى كتب تصميم الأسطمبات مثل كتاب Die Design ولابد من أخذ دورات متخصصة لفهم الموضوع أكثر لأنه يعتمد على الخبرة العملية أكثر من النظرية

اشكر حضراتكم لترشيح هذا الموضوع
وانوه بأن هذا الجدول هام للغاية وخاص جداً ونشرناه لاستفادة لمن يريد

شكرااااااااااااااااااااااااااااااااااا

سلام عليكم. لو عندك صاج سمك 20مم يبقي الخلوص كام

إعجاب واحد (1)

ياباشمهندس
مفيش صاج سمك ٢٠ مِم يشتغل علي اسطمبات القطع
اسطمبات القطع معاك لحد ٦ مِم سمك حتي ٨مم ويحتاج لقوة مكبس كبير
وممكن استخدام صاج من ٦مم الي ١٣ مِم ويستخدم في اسطمبات التشكيل علي الساخن (يسخن الخام قبل التشكيل لدرجة الاحمرار)
ياريت حضرتك توضح سؤالك هنستخدمها ٢٠ مِم لعمل ايه؟
وعامة فإن اي خلوص يتم اختياره من الجدول وكمان يعتمد علي نوع خامه الصاج ان كان صلب بخلاف الألومنيوم بخلاف النحاس ، فكل خامة وكل سمك له خلوص معين وليس ثابت للكل
وبصفة عامة يستخدم خلوص الصاج الصلب في اسطمبات القطع بحوالي 0.075 من سمك الخامة
بمعني كل ١مم سمك يحتاج 0.075 خلوص
مثال عملي :-لو عندك صاج سمك ١مم وقطر البنت ٣٠ مِم يكون الخلوص للدائرة تزيد بمقدار الخلوص يساوي 30.075مم

إعجاب واحد (1)