سلسة كيف تكون مهندس استشاري...للمهندس صلاح زكي


#1

نظرا لانه لايوجد تخصص بجميع الجامعات المصريه فى مجال
الاستشارات الهندسيه للاعمال الكهربائيه
فقد رأيت ان اقدم ولوجه الله تعالى كل ما جمعته من خبرات
حصلت عليها فى كل حياتى الهندسيه فى
ســـــــــلســــــــــــه من الحلقــــــــــات
ستتعرف من خلال هذا الرابط على اقوى سلسله تتعلم منها
كيف تكون مهندس
استشارى للاعمال الكهربائيه


وهذه السلسله موجهه للمبتدئ قبل المحترف - اهديتها من واقع خبراتى لزملائى المهندسين الذين يرغبون بالعمل فى هذا المجال

العمل كمهندس استشارى للاعمال الكهربائيه

ولا نرجو منكم سوى الدعاء

مهندس صلاح زكى- مدير عام - استشارى الاعمال الكهربــــــــــائيه



#2

عندما تقرأ حلقات كيف تكون مهندس استشارى
السلام عليكم
الزملاء الافاضل
عليك التدقيق فى كل كلمه مما يكتب فى هذه الحلقات
وان تعى ان ما يكتب هو موجه للمبتدئ قبل المحترف
وان هذا الموضوع يحتاج للمناقشه فقط فى كل جزء يتم عرضه
بدون استعجال للامور ( فالموضوع كبير وخبراته واسعه)
والكود المصرى والمواصفات القياسيه من
اهم مصادر المهندس الاستشارى
ولا يمكن باى حال من الاحوال عمل اى تصميم بدونهما
وهى لاتحفظ - ولكن تقرأ كل جزء تحتاجه
على حده
عند الاحتياج للاضاءه تقرأ الجزء الخاص بها ( الصفحات فقط)
وتدريجيا سوف تجد نفسك قد مر عليك هذا وذاك
ولن تقرأ ابدا ومطلقا جميع المجلدات
المصريه منها والامريكيه والانجليزيه
فكل واحد منها تحتاجه عندما تكون فى حال تصميم شئ بعينه
ارجو ان يفهم الجميع هذا ==
وان خبره سنين لن تأخذها فى يوم او اثنين
فكما سبق التوضيح لالا يوجد تخصص بكليات الهندسه بهذا الاسم
وانما نتناقلها من بعضنا البعض
وفى آخر كلمه من مقالى هذا
( المطلوب هو الصبر)
وهم اكثر من 300 حلقه
( نحن مهندسين ولسنا سحره)
واذا سؤلت من اين؟ وكيف؟ فعليك الاجابه
الاجابه وانت تعلم انك مسؤل عنها وستوقع عليها
من يرغب فى ان يكون مؤهلا لمهندس استشارى
فليتبع خطواتنا خطوه بخطوه
فانا ادلك على بدايه الطريق وكيف تمشى فيه
وعليك انت
ان تحرك قدماك وتحمل سيفك وزادك فى هذه الرحله الطويله
تحياتى

#3

كيف تكون مهندس استشارى(1)

السلام عليكم
بعد ان تقرأ ما فى المرفقات اضف هذه العبارات الصغيره
وقد وضعتها بالمرفقات من باب التشويق فقط ولمعرف آرائكم فى الموضوع

=======================

كل دى اسئله مهمه فعلا وبتثبت المهندس من اوله فى مكانه
وبيحس انه بيعمل تصميم مبنى على اساس علمى اولا ثم على اساس نظام عالمى ثانيا
الاجابه؟؟؟؟::: فى الحلقه القادمه ان شاء الله برقم (2) بنفس عنوان الموضوع

وعشان ما اطولش عليكم
لو لقيت ردود منكم ها اعرف ان الموضوع عاجبكم
وساكمل باقى الكلام
تحياتى

salahzaki2.txt.zip (1.4% u)


#4

[SIZE=4]كيف تكون مهندس استشارى(2)

[SIZE=4][COLOR=blue]السلام عليكم
فى كيف تكون مهندس استشارى(1) عرضنا بعض الاسئله
وجدت استجابه من بعض الزملاء بالرد رغم ان عدد كبير قام بمشاهده الموضوع
ما علينا – اعرف ان كثير ان شاء الله منكم سيستفيد
خصوصا انهم ما يقرب من 300 حلقه ان شاء الله
تم تجهيزها وكانت دوره فى عده اماكن هامه
وبثلاث لغات
المهم
اضطلاعك وقراءتك للكود المصرى اولا والخاص
بالاعمال الكهربائيه بانواعها
سيثبت اقدامك على الخطوه الاولى لكى تكون مهندس استشارى
ستجد به معلومات ليست جديده عليك كمهندس كهرباء ولكنها محدده لخطوات

التصميم-- فهو يقودك فى اتجاه الالتزام باشياء معينه اثناء التصميم
لايجوز لك الانحياز او البعد عنها وكذلك المواصفات القياسيه العالميه فى كل الفروع
طبعا يمكنك الاضطلاع عليها واحدا تلو الاخر
ولا يوجد فرق جوهرى بين ما درسته بالجامعه وبين هذه المصادر
ولكن
بالضبط وكانه اتفاق عالمى على ان نلتزم جميعا
(كل الناس وكل الدول)

على ان

[COLOR=darkred]يكون لنا قاعده واحده ونظام واحد نقوم جميعا بتنفيذه

[/color]لانه بعد دراسات عميقه ثبت انه الامثل فى الاستخدام واللأمن للمستخدم
وساذكر مثال تقريبى للمبتدئين واما الخبراء فسيعرفون قصدى

فقد تحددت مثلا فى المواصفات العالميه ان يكون مقاطع الكابلات
مثلا 1مم والذى يليه 1.5 مم وبعده 2مم وهكذا
فلا يمكنك اثناء التصميم اختيار مقطع كابل مثلا 1.4 مم او 1.7 مم
الا لضروره ذات طبيعه خاصه
ولكن عليك الالتزام بما التزمت به المصانع اصلا من اقطار التصنيع
مثال اخر: ان يلتزم الجميع بان تكون شده الاضاءه فى الاماكن المختلفه
طبقا للجدول الموضوع بها — فى حين انك كنت فى الكليه بتاخد المساله
وتحسب شده اضاءه المكان وتطلع كذا -
بصرف النظر عن الارتباط بالجداول
الملزمه للتصميم ---- ودى امثله تقريبيه فقط
وعلى ذلك يمكن القول باننى كمهندس استشارى عملت هذا التصميم او ذاك
[COLOR=red]ملتزما بما جاء بالكود والمواصفات العالميه

[/color] سواء كان ذلك فى فى اعمال الاضاءه====== يبقى تشوف الكود فى هذا الجزء بيقول ايه
او كان فى اللوحات للجهد المنخفض======برضه تشوف الكود بيقول ايه فى النقطه دى
او كان فى الشبكات او ربطها او فى نظام تاريض او انذار او او او او
يعنى وانت بتصمم لازم اولا تعرف وتقرأ فى الموضوع الذى تعمل فيه
لتقف على ارض صلبه اذا ما نوقشت فيه - او سؤلت
لماذا وضعت هذا الرقم
او ذاك او رسمتها كده ليه

- فتكون اجابتك المثلى
( طبقا للكود المصرى والمواصفات القياسيه العالميه)

وهذا ابلغ رد === على كل من يشكك فى اعمالك او يطعن فيها

باقى جزء اخر للاجابه على ما جاء بمقالى رقم (1) بنفس الموضوع
وسيرد ان شاء الله تباعا حتى لا اطيل عليكم فى كل مره
وان شاء الله سيتعلم الاخوه المبتدؤن خطوه بخطوه
ويزداد الاخوه ذو الخبره من هذا الموضوع
مرجو فقط الصبر والمتابعه -
وتذكروا ان الرد على الموضوع يعبر ان
رغبه الزملاء فى الاستمرار

تحياتى[/color][/size]
[/size]


#5

[SIZE=4]كيف تكون مهندس استشارى(3)

[SIZE=4][COLOR=blue]السلام عليكم

فى مقالى رقم 2 اوضحنا بعض النقاط وقلنا
ماذا لو اختلف اثنان فى تفسير شئ من الكود او المواصفات؟

اعلم اخى المهندس انك عندما توقع على تصميم

فانت مسؤؤؤل عنه مسؤليه كامله

واذا حدث لا قدر الله مكروه - ستجد نفسك امام المسؤليه
ولن ينقذك سوى ان تقول اننى كتبت وصممت ووقعت على

ماهو مطابق للكود المصرى والمواصفات القياسيه

نعم احيانا تاتى الرياح بما لاتشتهى السفن
فكما ينهار العقار وتجد كل من حولك يشيرون باصابع الاتهام
الى المهندس - فمنهم من يقول هو المشرف ومنهم من يقول هو الذى صمم بالخطأ

وكلكم تعلمون ان كثيرا من هذا المكروه يكمن فى ماس كهربائى
او تعطل وعدم عمل دوائر الانذار - او احتراق كابل نتيجه زياده الاحمال عليه
او او او

عندها يبحثون عن السبب وخصوصا لو كان هذا المبنى مهم
او حدث اثناء زياره مهمه – او صعق طفله صغيره بحمام سباحه

هنا تجد كل مسؤل عن عمل يلقى التابعه على غيره وعليه تخليص نفسه

وهنا نقول اخى المهندس:
الذى يرغب فى ان يكون استشارى
من فضلك كن حذرا لاقصى درجه ممكنه
وعليك ان تراعى الله فى عملك وان تخلص فيه لله

وتتذكر انك تصمم هذا العمل وانت خائف اولا من الله او ان تقتل نفسا بغير حق
وتتذكر ايضا ان من خلفك اولادك فى حاجه اليك

وتتذكر ايضا انك عندما تسأل لماذا؟ وكيف؟ وعلى اى اساس؟

يكون ردك ابلغ رد:
( راعيت الله فى عملى - واستخدمت علمه الذى علمنى للخير)

واود ان اذكركم انه فى حال الاختلاف فى تفسير بند من بنود المقايسه الموضوعه
او التصميم – يكون الحكم هو اللجوء الى
لجنه تحكيم تشكل اما من اساتذه الجامعه
الاستشاريين - او من لجنه تختارها نقابه المهندسين

بكده نكون قد وضعنا الخطوط العريضه التى سوف تساعدنا ان شاء الله
ففى الحلقه القادمه سنبدأ خطوات جديده وجاده فى

كيفيه تصميم الدوائر
وماهى اسس تقدير الاحمال الكهربيه عند تصميم الدوائر

ولا تنسوا اننا سنعتمد فى كل كلامنا على
الكود المصرى

تحياتى[/color][/size]
[/size]


#6

[SIZE=4]

كيف تكون مهندس استشارى(4)
السلام عليكم
بعد التوجيهات الرئيسيه فى الثلاث حلقات الماضيه
نبدا اليوم فى الخطوات الاولى لمهندس التصميم
وكيف يقدر احمال اى مشروع بدايه من ان تكون قطعه
ارض فضاء وحتى اكتمال التصميم
كيفيه تصميم الدوائر
وماهى اسس تقدير الاحمال الكهربيه عند تصميم الدوائر

ولا تنسوا اننا سنعتمد فى كل كلامنا على
الكود المصرى
وسيتم تقسيمها على اجزاء حتى لا يمل القارئ
الجزء الاول بالمرفقات

[/size]

salahzaki11.txt.zip (1.6% u)


#7

كيف تكون مهندس استشارى(5)
السلام عليكم
اوضحنا فى المره السابقه رقم(4)
انه لابد من الاعتماد على الكود المصرى
والمواصفات القياسيه الدوليه IEC
international electrical code
واننا نقدر الاحمال فى المساحه المطلوبه اولا طبقا
للقدره لكل متر مربع - حيث انها تختلف باختلاف طبيعه كل مبنى
على حده وقلتا اننا سوف نأخذ امثله على هذا لتقربنا
من طرق التصميم ووضع الخطوات الاولى له
مرفق امثله بسيطه وهادئه كدليل لنا وطبقا للمواصفات IEC
وايضا مراحل التصميم المختلفه
فاذا كان لدينا مساحه ارض بها منشآت
ومحدده من قبل المهندس المعمارى وموافق عليها
فبهذه الجداول المبسطه يمكنك بدايه تقدير الاحمال
تحياتى


1-_Estimated_Load.pdf (70.0% u)


#8

كيف تكون مهندس استشارى(6)
السلام عليكم
بعد ما اوضحنا فى الحلقه رقم (5) ومرفقاتها
كيف نقدر الحمل - والامثله البسيطه عليها
يبقى جزء آخر وهو كيف تقدر نوع القاطع
وهل انت محتاج الى فيوز ام قاطع
اذا فهمنا الفرق بينهم وخواص كل واحد وانواعه
ها نقدر بسهوله نختار الشئ المناسب
فى المكان المناسب - ماهو فيه منها الصغير والكبير وبتاع الشقه وبتاع اللوحات الكبيره- ياترى اختار قاطع شكله ايه وقيمته كام
طيب ماهو القواطع برضه لها مخاطر الشراره اللى بتحصل فيها
ازاى اخمد هذه الشراره -وباى نوع من القواطع
عمالين نسمع كلمه مغناطيسى وكهربى وميكانيكى
طيب تعالوا نفهم القواطع الاول -
وبعدين نفهم الكابلات
وايه العلاقه اللى بينهم
ويبقى عندنا الثلاث اجزاء الرئيسيه للتصميم
احمال+قواطع فى اللوحه(لوحه توزيع)+كابلات تربط بينهم
وبعدين نعمل مع بعض تصميم لطيف وصغير ومتكامل
تحياتى

القواطع الكهربائية.doc.zip (10.6% u)


#9

كيف تكون مهندس استشارى(7)

السلام عليكم
اوضحنا ان عناصر التصميم ثلاثه

الحمل= ايا كان نوعه( اضاءه او مواتير لورشه مثلا او مصاعد او …او…)

القواطع= وقلنا ان لها انواع كثيره الاوتوماتيكيه والعاديه ومنها الفيوزات

الكابلات= وهى الوسيط بين الحمل والقاطع - يحمل الكهرباء الى
الحمل مرورا بالقاطع الذى يحمى كل الدائره من الاخطار المحتمله

مرفق ملف تعريف للكابلات بشكل جديد
يحتاج منك التركيز شويه فى انواعه

واشكاله ومقاساته لانك سوف تحتاجه بشده وتختاره بدقه

من المرفقات

ومرفق ايضا ملف باور بوينت نرسم فيها خطه لعمل التصميم
مع بعض
سنقوم بها خطوه خطوه ان شاء الله

تحياتى

خطوات.rar (201.3% u)
LowVoltageWiresCables.pdf (4.2% u)


#10

[SIZE=4]كيف تكون مهندس استشارى(8)

السلام عليكم
اعتقد ان الخطه اللى قولناها فى الحلقه السابقه منطقيه وعجبتكم
واللى ما قرأهاش يقراها
بس قبل ما ندخل فى اول تصميم
تعالوا نتفق سوا على بعض الحاجات
اكيد لما بنقول كلمه حمل بنبقى عارفين مسبقا قيمته
يعنى حمل الاضاءه مثلا سهل من قانون او برنامج
تحسب عدد لمبات الاضاءه وتشوف وات كل واحده كام
ونضربهم فى بعض ويبقى ده حمل الاضاءه
ولو كان عندنا مثلا غساله فى البيت بنقدر نعرف الوات بتاعها
وكذلك السخان والدفايه (ودى بنسميها احمال خاصه)[SIZE=4]

[/size]البرامج كتير جدا وطرق الحساب سهله جدا
ولما نجمع كل الاحمال على بعضها يبقى ده هوا الحمل الكلى
اللى ها نعمل عليه حساباتنا
مع بعضنا كده ها نقول ان حمل الاضاءه= كذا+حمل الغساله كذا+حمل الدفايه كذا
يبقى مجموع الاحمال = كذا
ما علينا
فيه كمان نقطه مهمه وهى ان هناك ما يسمى بمعدل الاستهلاك
استهلاك شقه فى دور مش زى استهلاك شقتين ولا ثلاثه
كمان سبق وسمعنا عن حاجه اسمها الباور فاكتور
اللى كلما اقترب من الواحد الصحيح كلما كان افضل
واللى بناء على الباور فاكتور ها نعمل اثناء التصميم
ما يسمى بجدول اتزان الاحمال وهو من الاشياء المهمه
فى جداول حسابات الكهرباء
المعلومات دى قد تبدو للبعض بسيطه ولكن الحقيقه انها مهمه[SIZE=4]

[/size][SIZE=4][COLOR=blue]لاننا بناء عليها ها نبدأ فى
الخطوات الاولى للتصميم

[/color][/size]فى التصميم انت محتاج:
لرسومات توضيحيه للاعمال الكهربائيه
ودى تعملها على البلان المعمارى

ومحتاج نوته حسابيه تقول فيها حسبت ازاى
بالاضافه الى
كراسه الشروط والمواصفات
اللى بتوضح فى

بنودها كل ما تريد وما لم تتمكن من ايضاحه على الرسومات
كنوع الاضاءه مثلا وطريقه التثبيت وخلافه
او كنوع الماكينه المستخدمه
او طراز هذا الجزء من الحمل الكهربى
[SIZE=4]

[/size]مرفق جدول لطيف بيبين معاملات الاستهلاك بدون احمال خاصه
مقاسا بعدد المستهلكين(الشقق)
عشان ان شاء الله واحنا بنصمم شقه
ثم مبنى له عدد من الادوار

[SIZE=4][COLOR=blue]ثم مجموعه مبانى فى مساحه معينه

  • ها نحتاج هذه الجداول[/color][/size]
    ناخد اول جدول الاول وبعدين باقى الجداول لاحقا ان شاء الله
    ومرفق ايضا رسم توضيحى والرأسى فيه زى الافقى
    بالنسبه للمعامل
    وما تنسوش الموضوع سهل وبسيط
    لكن عاوزين صبر ومتابعه اول باول

    تحياتى
    [/size]

معدل الاستهلاك.txt.zip (1.0% u)


#11

[SIZE=4]كيف تكون مهندس استشارى(9)

السلام عليكم
ندخل فى الموضوع مباشره
عندنا شقه بياناتها
اضاءه=6000 فولت امبير

احمال صغيره( فيش وبرايز وخلافه)=3000 فولت امبير
غساله= 1500 فولت امبير
يبقى مجموع الاحمال=12000 فولت امبير
نقسمهم على 380 جذر 3 = تقريبا 18.3
مقاسات القواطع المتاحه 10 امبير —16 امبير ---- 30 امبير
اذن ناخذ قاطع لايقل عن 18.3 فنجد انه = 30 امبير
اى ان القاطع العمومى ثلاثه فاز = 30 امبير

من المواصفات القياسيه نجد ان دوائر الاضاءه لايزيد حمل الدائره الواحده عن 5 امبير
وبقاطع 10 امبير وسلك 3مم

يعنى امبير الاضاءه=6000/220=27 امبير
وعدد دوائرها=27/5= تقريبا 6

امبير الاحمال الصغيره=3000/220=13.6
عدد الدوائر=13.6/5= تقريبا 2
وبنعتبرها من الاحمال الخاصه وتبقى كل دائره على اول
اكبر قاطع يلى قيمه الحمل مباشره اىعدد 2* 16 امبير

امبير الغساله=1500/220=6.8 امبير وتؤخذ كحمل خاص لوحدها
بقاطع 10 امبير-- لانه اول اكبر قاطع يلى 6.8 مباشره

ثم نرسم الدائره(اللوحه الكهربائيه) كما هو موضح بالمرفقات
والرسم السابق مرفق ايضا وعليه حسابات
ومعاه جدول اتزان الاحمال لنقرب
الباور فاكتور قدر الامكان من الواحد الصحيح

عشان نبقى خلصنا حسابات مبنى مكون من عدد ادوار
كما وعدنا - رسم اللوحه لهذا المبنى سيكون بنفس الطريقه
وممكن لكل دور على حده – وده اول تمرين لكم

راعيت فى هذين المثالين منتهى البساطه فى الحسابات
الغير معقده وبدون اى دخول فى تفاصيل
حتى يشعر المستفيد اولا بالراحه اثناء التصميم

وبعد الدخول فى شويه تفاصيل مستقبلا سنشرح بصوره
اكبر ثم اكبر ثم اكبر — يعنى وحده وحده
تحياتى[SIZE=5]

[/size]
[/size]


#12

[SIZE=4]كيف تكون مهندس استشارى(10)

السلام عليكم[SIZE=4]

[/size]لاننى لاحظت من بعض الاسئله وجود خلط بين التعاريف
المختلفه عند التصميم
ولاننا ان شاء الله سنتعرض لعده تصميمات كما قلنا اكبر واكبر[SIZE=4]

[/size]يعنى شويه بشويه بيكبر الموضوع
حبيت اوضح الفروق بين هذه التعريفات
فى المرفقات
utilization factor
simultancity factor
Diversity factor
load factor[SIZE=4]

[/size]power factor
ونعرف ان شاء الله متى وكيف نستخدمها[SIZE=4]

[/size]واحتاج بعد هذه الحلقه العاشره لتفاعل اكثر
من الاخوه الافاضل المهتمين بهذا الموضوع
فمن خلال التفاعل والاسئله يمكننى تحديد
المسار الصحيح لاستكمال باقى الحلقات[SIZE=4]

[/size]تحياتى[SIZE=4]

[/size]
[/size]

تعاريف.txt.zip (1.3% u)


#13

[SIZE=4]كيف تكون مهندس استشارى(11)

السلام عليكم
شوفنا بعض التعاريف لبعض العوامل التى تستخدم
اثناء التصميم وعرفنا معنى كل واحد
ومن وجهه نظرى اهم شئ اثناء التصميم
هو عمل اتزان للاحمال
لانه لامعنى اطلاقا

لانك تستخدم هذه العوامل ثم فى النهايه
لاتعمل اتزان للاحمال لانه بيوفر كتير فى استهلاك الكهرباء
بالاضافه الى انه يقى من كثير من المخاطر
فى المثال المرفق ها تشوف ازاى لما يكون الامبير ثابت
على الفيزات الثلاثه الوات كام ولما يبقى متغير يبقى الوات كام
وان الزياده فى الوات بتكون مناظره لعدم اتزان الحمل[SIZE=4]
مع ان مجموع الامبير فى الحالتين=30 امبير
وتوزيعهم فقط هو المختلف

[/size]وعاوز اذكركم باننا بنكرر ان تعاملنا مع كلمه الاحمال
بصرف النظر هيا اضاءه ام مصاعد ام موتورات ام انذار
ام ام ام

لان الانواع دى سنتناولها بعد كده وحده وحده[SIZE=4]

واتزان الحمل ايضا من اساسيات اختيارك لمقاس الكابل
العمومى والقاطع العمومى للوحه التوزيع

[/size]المثال المرفق لتقريب الفكره
تحياتى[SIZE=4]

[/size]
[/size]


#14

كيف تكون مهندس استشارى(12)

السلام عليكم
كما قلنا ان من اهم الحسابات هو عمل جدول لاتزان الاحمال
فيه اخوه افاضل يمكن ما يعرفوش شكل الجدول المطلوب
واكيد فيه كتير عارفين
حبيت النهارده نشوف شكل جدول اتزان الاحمال
وهو ملف اكسيل - قابل للتغيير فى بياناته

يعنى ممكن تجعله مثل البرنامج ليقوم بعمل الحسابات
وهذا الجدول ضمن الجداول التى تقدم مع مستندات التصميم

المرفقات عدد 2 جدول كمثال فقط
تحياتى

E3ICLoadBalanceSheet.rar (5.5% u)
PANEL.rar (13.2% u)


#15

[SIZE=4]كيف تكون مهندس استشارى(13)

السلام عليكم
عرفنا ان اهم ثلاثه عناصر للتصميم هى

1- الحمل 2- اللوحه 3- الكابل الواصل بينهما

وتعرضنا للاحمال وكذلك اللوحه بقواطعها بطريقه سهله
غير معقده وبعيده عن التفاصيل انمشى سويا فى اتجاه
الفهم للموضوع اولا ثم نتجه سويا الى الفرعيات التى تساعدنا
فى التصميم

ياترى ايه هيا الاشياء اللى يجب نراعيها عند تصميم الكابل؟
ده سؤال مهم جدا عشان نقدر نختار الكابل بطريقه صحيحه
ولازم نفهم كل واحدهة منهم على حده بتمعن شويه

انا حاولت فى الملف المرفق (ملف وورد)توضيح هذه الاشياء
بعيدا عن اى

تعقيدات فرعيه للموضوع لانه يهمنى فى المقام الاول
ان يعرف المهندس الذى يرغب فى الفهم الا نجره فى متاهات
جانبيه رغم اهميتها ولكنها تسبب تشعب للموضوع بطريقه
قد يمل منها البعض
وسوف نشرح تباعا برضه بطريقه مبسطه هذه الاشياء التى
يجب مراعاتها

[size=4][COLOR=red]تحياتى

[/color][/size]
[/size]

تصميم كابل.doc.zip (3.8% u)


#16

كيف تكون مهندس استشارى(14)

السلام عليكم
شوفنا فى الحلقه السابقه احد العوامل المهمه
عند اختيار الكابل[SIZE=5]

[/size]النهارده معاكم ملف باور بوينت فيه العامل الثانى
برضه شرحه متواضع وبعيدا عن التعقيدات
واعرف ان هناك كثيرا من البرامج لهذا الغرض
ورغم انه يمكنك الاستعانه باحدهم
الا اننى افضل ايضا ان يدخل ذهن المهندس
ارتباط ما درسه بما يطبقه على الواقع
لانها بسيطه جدا
ومش مستاهله برامج
[SIZE=5][COLOR=red]تحياتى

[/color][/size]

VoltageDrop.rar (53.1% u)


#17

كيف تكون مهندس استشارى(15)

[SIZE=4][COLOR=Blue]السلام عليكم
تعالوا مع بعض ببساطه ندرس العنصر الثالث
المطلوب عند تصميم الكابل وهو الشورت سيركت
short circuit current
مش احنا عارفين ان المقاومه الكليه لاى كابل
تساوى= R+z
z=imprdance
وبما اننا بنقول شورت يعنى التيار بيمشى
ومفيش حد بيحوشه يعنى المقاومه=صفر
لكن بيتبقى شئ واحد بيتعامل معاه وهى المعاوقه=z
يعنى !!!

الملف المرفق بيوضح الامر بسهوله جدا وبدون
تعقيد ولا دخول فى تفاصيل
تحياتى[/color][/size]

s.c.txt.zip (1.2% u)


#18

[SIZE=4]كيف تكون مهندس استشارى(16)

السلام عليكم
تقريبا عرفنا معظم متطلبات التصميم
ولكن بطريقه مبسطه جدا
عرفنا ان هناك احمال ايا كان نوعها
وهناك لوحات وكابلات تربط بين الحمل واللوحه
اللوحات لها اشكال وانواع منها ولابد ان يتدرج بنا الامر
لمعرفه أنواع اللوحات الكهربائية ومكوناتها
بطريقه اوضح
اوضح من كل النواحى اللى تؤهلنا

ان نقولها فى تصميم وما تبقاش غريبه علينا
وزى ما قولنا المواضيع بتكبر معانا شويه بشويه
ودلوقتى جه وقت التعرف على أنواع اللوحات الكهربائية ومكوناتها[SIZE=4]
منها لوحات منخفض ومتوسط وطرق تغذيتها
شكلها بيعطيك ثقه بنفسك لما تفهمها تحس انك ممكن
تقول انا بصمم لوحات من دى - وده شغلنا

[/size]مرفق شرح وافى بطريقه تليق بمهندس التصميم
بس المهم انك تتصفحه كويس عشان
ان شاء الله ها نعوز كل مافيه وما فى الحلقات السابقه
من مرفقات - ونبدأ نعمل سوا كراسه شروط[SIZE=4]

[/size]ونشوف ازاى نراعى كل كلمه بتتكتب [SIZE=4]
تحياتى

[/size]
[/size]

اللوحات الكهربائية وانواعها.pdf (1004.5% u)


#19

[SIZE=4]كيف تكون مهندس استشارى(17)

السلام عليكم
قبل ما نشوف محتويات كراسه الشروط

حبيت اؤكد على شئ مهم جدا برضه
عاوزين بصراحه نوفيه حقه ونبقى فاهمينه كويس كمهندسين
نبقى عارفين ايه ده وامتى نستعمله
مرفق ملف باور بوينت اتمنى يعجبكم
[SIZE=5][COLOR=red]تحياتى

[/color][/size]
[/size]

ملف مهم.rar (36.5% u)


#20

كيف تكون مهندس استشارى(18)
السلام عليكم
اعتقد بعد ما عرفنا كل المعلومات السابقه
والتى تعرصنا لها بدون ثرثره او تفاصيل ممله
او برامج رنانه فى مظهرها وشكلها
اعتقد انكم لاحظتم كم كان المطلوب هو التركيز على الهدف
اولا والاطار العام لخطه عمل المهندس الاستشارى
الهدف هو ان تلم بالبرواز العام للموضوع ليسهل
عليك بعد ذلك عمليه البحث عما تريد
ولعلمى كم يمل القاررئ من كثره الكلام احببت ان
تكون حلقاتى قدر المستطاع مختصره وموجهه الى الهدف
واعلم ان المحترفين منهم من سيمل ومنهم اليقظ الذى
يعلم تماما علم اليقين اننى
ادخل مباشره الى الهدف

اصبحنا الان محتاجين ان نعرف الشكل العام لكراسه
الشروط وما تحتويه – ايضا بدون تفاصيل ممله
وها نبقى كده اخذنا كل الاشكال للمواضيع المختلفه
اقرأ المرفقات وستعرف انه ليس معك كراسه شروط ولكن
محتوياتها ايه
هيا الجزء الاول صفحه واحده فقط وسيتبعها الجزء الثانى
ان شاء الله
عشان ابقى مركز فى كل كلمه وعارف انا بعمل
ايـــــــــــــــــــــــــــــــــــــه
تحياتى

محتويات كراسه الشروط.doc.zip (4.1% u)