عماني حاسد


(فتى الهندسه) #1

تداول بيننا بان يقال (( عماني حاسد ))… الى ان صدقها الكثيرون … وطبقوها في

حياتهم كنوع من الحسد الجدي احيانا واحيانا كطرفه وهذي بعض المواقف من ارض

الواقع ::-

  • واحد طالع من الكارفور … ركب سيارته … شغلها … شاف واحد يعطي اشارة عشان يوقف في الموقف ماله … جاك صاحبنا بند سيارته …طلع من السيارة … دخل الكارفور مرة ثانيه الين راح الشخص الثاني …ورجع صاحبنا واخذ سيارته وطلع ((عماني حاسد ))

  • في المطعم المركزي واحد حصل باقي ملعقتين …اخذ وحده والثانيه خلاها في جيبه ((عماني حاسد ))

  • فني في الجامعة … جيووه طلاب عشان يشتغلوا معاه في المعمل ويتعلموا منه …قالهم ما عندي شغل هالايام …مع ان الدكتور موصنه بمية شغله … وذلك حتى لايتعلم الطلاب ويكبروا ويجيوا يشتغلوا مكانه ويعطوه هو استقاله (( عماني حاسد ))

  • واحد راح هو وزميله محل… عنده نصف ريال اشترى باربعمائه وعطى الهندي مائه بخشيش … حتى ما يقوله زميله اشتريلي بيبسي (( عماني حاسد ))

-واحد دوامه ساعه 8 الصباح … وربعه دوامهم ساعة 11 جلسوا يتمسخروا عليه بالليل
والصباح وهو رايح الدوام سحب الفيوز ما مجمع الكهرب وراح الدوام … فكروا ان الكهرباء مقطوعه … وصحوا من نومهم ((عماني حاسد ))

وتستمر قصة الحسد بين العمانيين … وانتظروا قصص ثانيه قريبا

ومشكووووووووووورين (منقول)


(السبع) #2

هههههههههههههههههههه عيني عليك باردة فتى الهندسة لكن أظني هذه الصفه موجودة عند بعض العمانيين ما للمصخرة وبس هذه حقيقة …
تحياتي السبع…


(عبير الزهر) #3

خخخخخخخخخخخخخخخخخخخخخخخخخخخخخ فعلا ان كلمة عماني حاسد موجودة

مشكور اخي


(الاسطورة) #4

ان كلمة الحسد محرمة شرعا سو كانت للمسخرة او الجد
ومنور بموضوعك


(m&m) #5

وفيه مقولة قالها واحد من العرب من الاهل لأول مرة أسمعها

قال: ربع الحسد متوزع عالعالم وثلاثة ارباعه الباقية يطوف العالم ويرجع ملك للعمانيين

سبحان الله ،،،أكيد لهالعبارة قصة وراها خلتها تنتشر فعمان!!!

الله يبعدنا عن الحسد والحاسدين