معقولة تصير في الجامعة


(cute) #1

السلام عليكم جميعا…
لا يخفى على الجميع أن الجامعة لا تخلوا من المشاكل والمواقف الحرجة…
لكن الموقف الي صار لي موقف غريب جدا جدا جدا…
سبحان الله كيف هذا الناس يفكروا؟؟؟!!!
سمعنا أن بعض الطلاب إذا حصلوا فلاش ديسك ممكن يرجعوها طبعا الأغلبية يرجعها وكذالك الكتب الدراسية والهواتف النقالة بس البعض لا…
لكن شوفوا موقفي:

طلعت من محاضرة يوم الأحد الساعة 12 تقريبا وكانت في D وكنت في طريقي الى المسجد…
خليت كتبي كما كل عادة في الرف الخارجي للمسجد وتوضأت لصلاة الظهر ودخلت للمسجد، بعد ما انتهيت من الصلاة خرجت أيش تتوقعوا حصل؟

النعال ما لقيتها…
يا ولد الناس دورها زين…
لكن بلا فائدة…
قلت بانتظر يمكن حد أخطأ في النعال…
انتظرت لحد الساعة 2 طبعا هذا وقت الباص وأصدقائي ما قصروا دوروا معي لكن النتيجة سلبية…
قلت يمكن الرجال راح البيت وبيجيبها بكرة…
رحت اليوم الثاني الي هو اليوم ودورت عليها بس شكله الرجال كان عندة رأي ثاني…
طبعا كل واحد يسأل نفسه الحين كيف رجعت يا cute للبيت؟
بصراحة في ذاك اليوم كان الذل بعينه بعدني طبعا ما تكلمت عن حالي انا وأصدقائي يوم ندور على النعال الي يشوفنا يقول هذا الناس يدوروا نعال يسرقوها…
المهم خبرت أحد أصدقائي ولي معاي بنفس الباص أن يمر علي في المسجد…
أول شي رفض السائق بس أقنعوه ووافق.

لبست نعال ربيعي وخليته يلبس نعال زميله ويجي معي لحد الباص ويأخذ نعاله…

ما أكذب عليكم لقيت نعال هناك وانا شايفنها من أمس بس العور يقدر يفرق بين نعالي وهذي النعال
يمكن الشبه بس في اللون الأسود وشعار الماركة ونعالي كانت من النوع الأصلي لتلك الماركة…
لكني ما أخذتها…
عسى يكون غلطان ماخذ النعال بالخطأ ما بقصد السرقة…
بس لو كان بقصد السرقة ممكن يكون هذا طالب محترم، طالب في جامعة السلطان قابوس الي كل الناس في السلطنة تحترمه، طالب محطوط له أمال وأحلام كبيرة…
الله يستر…


(~مهندسة طموحها فوق الأفق~) #2

هلا أخوي كيوووت…
آسفة على اللي صار لك…وآسفة اني اقولك…
ان في طلبة جامعييين رغم انهم ما يستحقوا هالاسم يسووا اكثر من كذي…
مب انت بس …صديقاتي بعد انسرقوا في المصلى…
شنطهم بالكامل فيها بطايق وتليفون…
وفي منهم انسرقت نعلهم وراحوا الباص بدون نعال…
وفي السكنات حدث ولا حرج…
خلينا ساكتين احسن…
اللي تستغرب منه كيف مثل هالناس تسمحلهم نفسهم بالسرقة…واصلا كيف دخلوا الجامعة…
الله يرحمنا…
آسفة لك مرة ثانية والله يسامح اذاك الشخص على اللي سواه…
تحياتي لك…دمت بعافية…
مهندسة


(cute) #3

مشكورة اختي…
سبحان الله ناس ضميرهم ميت هذا إذا كان عندهم ضمير…
ناس ما تفكر عاقبة الي جالسين يسويوه او ايش حال ضحيتهم…
ما أقول الا حسبي الله ونعم الوكيل…
الله يصلح الجميع…


(انشودة المطر) #4

سبحان الله في ناس بهذي التصرفات و في الجامعه!!! …
الله يعوضك خير اخي cute


(الوزير) #5

قلبي معك اخي cute
اخاف انا بعد اروح المسجد ويسرقوا لي نعالي :smiley:
واجلس اضرب كفا بكف :frowning:
الله يعوضك خير :slight_smile:

المرة الجاية لما تروح تصلي لصق في نعالك نوته مكتوب عليها

““قابل يا العور تراني ما مالك”” :smiley:
ولا اقول اكتب عليها
"“البسها وبيطلع منك”" :smiley:


(Active Engineer) #7

اخي كيوت تعيش وتاخذ غيرها،،، ( ههههههه امزح)

سبحان الله ناس جامعين وصلوا لهذا المستوى!!!
الله يهدي الجميع،،، اسفين للي حصلك اخي بس الله يعوضك خير ان شاء الله،،،


(The Designer) #8

حقيقة موقف محرج, الله يعينك بس

لكن شكل النعال من النوع الغالي:p === كنك متحسر عليها:D


(cute) #9

مشكورين شباب والله يعين الجميع…

اخي The Designer
صحيح انه موقف محرج و اتمنى انه محد يتعرض لمثل هذي الموقف…

سلامي…


(cute) #10

ونعم بالله

مشكورة اختي…


(miss s) #11

دام انك جلت انه م يتشابهون فيمن من السرعه هوه شاف النعاله و طلع
و انتع عطيه مهله اسبوع اسبوعين لين ما الواحد يركز على اللي عنده يمكن
و يمكن سرقها صح
و يمكن لاء
تعيش و تاكل غيرها :d


(cute) #12

لا أختي كافي ما اريد أكل غيرها :smiley:
انا معطنه المهلة يمكن أكثر من أسبوعين وما أعتقد إني بشل النعال إذا حصلتها حاليا بس مسولي أزمه الحين كل ما أحط نعالي في المسجد يجيني خوف الا حد يشلها وأتبهدل مرة ثانية…

رمضانك كريم


(أبو حيان) #13

أقولك الخطره جيب زنوبه


(آسر القلوب) #14

سلامات الحبيب …

الحمد لله ما سبق وانه صار معي مثل هذا الموقف في الجامعة

على العموم ما أقول غير الله يهدي الجميع…


(cute) #15

رايك؟؟؟ :d

بس أخاف ما يعذرو منها

الله يسلمك…

يالله عقبالك…

آآآآآآمين


(آسر القلوب) #16

:eek:

وحدي محروز أن شاء الله …:smiley:


(almanahel) #17

معقولة تصير في الجامعه أخوي

وحالتك مقارنة بتجربتي أحسن…

انا انسرق نعالي …بالعمد في المصلى…وتخيل …كان في أول فصل لي في الجامعه…
ولا هو من النوع الغالي عشان ينسرق من بين كل النعلان الحلوة الللي كانت في المصلى…ولا حصلت نعال شبيه بيه في المصلى…وكنت حاطتنه في الرف…
ولكن…لو اجتمعوا على أن يضروك بشيء لن يضروك الا بشيء قد كتبه الله عليك…
الله كريم…ما اضطريت أرجع حافية ولا بالزنوبة (عشان يستانسوا يضحكوا علي) أخذت نعالي (مال الورك شوب ) من الهندسة ورجعت البيت…وبالعمادة أضحك كأن ماحصل شيء…ومن هذاك اليوم أغراضي ما تفارقني…نعالي سرقوه…ويش بيسوا في شنطتي وكتبي…الخ …
وكل ما أدخل المصلى لحد هذي الفترة …أحط نعالي في الرف وأقول حسبي الله ونعم الوكيل…
هذي من المواقف اللي ماأعتقد اني بأنساها…

اللي يشوف مصيبة غيره تهون عليه مصيبته…
شكل الشخص ماخذ نعالك بالغلط…ويمكن عاجبنه وحطه معه… الله يعوضيك خير ان شاء الله…

والسلام ختام


(cute) #18

أيش أقولك أختي…

المشكلة أنه مسويلي أزمة نفسية أنا وأصدقائي تخيلي في واحد من ربعي حاط الهارديسك ماله داخل كتابه خارج المسجد وتذكره وهو جالس يصلي وقطع صلاته وخرج يجيب هاردسكه

وحدث ولا حرج فيني أنا
حتى نعالي الجديدة في رمضان ينشغل في بعض الأحيان بالي عليها وأنا داخل المسجد…

عسى الله يهديهم ويهدينا لما فيه خيرا وصلاح لنا

مشكورة أختــــــــــــــــــي


(عاشق عمان) #19

فعلا سالفتك سالفة يا cute…
وأنا فعلا أستغرب من أن هذي الأشياء تصير في جامعتنا…
فعلا ناس ما يستحقوا أصلا لقب طلاب في جامعة السلطان قابوس…
بس أخبرك … ترى في كل كان مهما كان ذلك المكان ستجد الطالح والصالح…
الله يعوض عليك أخي الكريم… والله لايحطك ولا يحطنا في مثل هذي المواقف المحرجة مرة ثانية.