انا طالب فى كلية هندسة وقسمى يوجد به هندسة حاسب والكترونيات واتصالات والسنة اللى جاية ياما اكون حاسبات او اتصالات
فياريت حد يفيدنى ويقول مين الاحسن
ويدينى روشتة عمل اشتغل بيه
يعنى
انا عايز حد يقولا اذاى ابدا اجهز نفسى لسوق العمل ازاى سواء كنت حاسبات او اتصالات
الكورسات هتكون اية وهبدا فى اية واحسن مكان ممكن اخد فية الكورسات دى
ساعدونى من فضلكم
السلام عليكم , اخوك مهندس اتصالات لسه خريج جديد
من الواضح انه فى سوق العمل فى مصر ان الاتصالات اهم حاجه فيها ان يكون معاك خبره مسبقه عشان تتقبل فى اى شغل حتى لومعاك كورسات بس من غير خبره احتمال ضعيف انك تتقبل بس بجد الاتصالات اى نعم انك بتتبهدل الاول علشان تدخل فى اى شغل بس ان شاء الله بعد كده بعد ما يتكون معاك خبره حتى لو سنه تقدر تتكلم فى اى انترفيو بقلب جامد . الكورسات اللى لازم ان شاء الله تاخدها فعلى حسب انت عايز تدخل فى مجال ايه فى الاتصالات زى مثلاmobile package ,WI FI والكلام ده
اما بالنسبه للحاسبات ممكن الخبره يتغاضوا عنها لو انت مغطى بعض الكورسات .CCNA,CCNP,MCSE,ORACLE
بس للعلم الكورسات لو هتاخدها معتمده هتكلفك جامد لانها غاليه هنا فى مصر مثلا السى سى ان ايه عشان تاخد بشهاده معتمده من سيسكو حساباتك فيه تبدا من اول الف وكسور بس الل يعزيك فى الموضوع ده ان الكورسات دى لو واخدها كويس وفاهمها ان شاء الله ربنا يكرمك فى شغل محترم . شى اخير لو الدنيا قفلت معاك اللى انا فهمته من الكلام اللى انت كاتبه انك فى الاساس واخد اليكترونيات ده شئ كويس لان ده ممكن يكون احد الاختيارات بالنسبه ليك تدخل فى مجال الصيانه .
بس بجد نصيحه ليك ما تزهقش وانت بتدور على شغل لان فى الاف المهندسين بيتقدموا لاى وظيفه والعمليه فى الاول والاخر نصيب وربنا يوفقك